Секојдневно сме сведоци на случувањата со зеленилата и дрвјата во град Скопје, односно нивното уништување.
Јасни и логични се реакците на градоначалникот на општина Центар и на граѓаните кои јасно и јавно се против сечата на дрвата.
Ако може да се разбере молчењето на Власта  која ги гради објектите на местото пред Бристол логично е  да не и пречи сечата на дрвјата,но чудно е што партијата на зелените и   г-ѓа Лилјана Поповска премолчеа уште еден масакр.

ПЕП 21 очекува, Претседателот на ДОМ,г-ѓа Лилјана Поповска  јавно и јасно да каже кој е нејзиниот став,  мислење и делување за зеленилото во град Скопје.
Претседателот  на Партија за Економски Промени 21 – ПЕП 21,  Билјана Јовановска ја повикува г-ѓа Лилјана Поповска Претседател на ДОМ  да пројави интерес  за случувањата во врска со зеленилото во град Скопје и  да собере “храброст” и побара “дозвола”  вечерва да присуствува  на протестот пред Бристол и да одговори на реакциите, прашањата и барањата на граѓаните.

- Г-ѓо Поповска, ако во останатите земји партиите на зелените се најактивни, најзасегнати и најбунтовни кога станува збор за заштита на зеленилото,  дали на Вас и Вашата партија која во принцип треба да значи  партија на зелените можеби ви пречи зеленилото или пак во суштина вие сте друга партија, а поради случајност  или потреба името на партијата останува да постои?