ПЕП 21  ги потсетува Г-дата од Советот за радиодифузија и МРТВ дека  решенија за уплата на радиодифузна такса добиваат сите физички и правни лица,  без разлика на својата политичка определба.

Од тука произлегува  потребата  и барањето  МРТВ како јавн сервис редовно и без селекција  да информира за сите мали, големи, стари, нови, како и за политичките партии во  формирање, а Советот за радиодифузија да се погрижи МРТВ да не води селективна и дискриминаторска уредувачка политика.

Изминаа  пет месеци од конституирање на Политичката партија за економски промени 21 (ПЕП 21) и  во континуитет  до  медиумите  доставувавме  информативни или тематски соопштенија, некои од нив проследени со слики и видео записи, со цел истите  да бидат проследени до граѓаните на Република Македонија. Воедно повеќе пати јавно се произнесовме дека сме отворени и секогаш подготвени за соработка со сите медиуми . МРТВ остана незаинтересирана?!  ПЕП 21 прашува, дали со дискриминаторската медиумска политика на јавниот радиодифузер МРТВ не се нарушува демократската слобода во државата , а граѓаните се држат во заложништво поради пласирање на строго контролирани информации?!
Дел од електронските медиуми, професионално и редовно до граѓаните ги проследуваат информациите и соопштенијата,  кои ПЕП 21 ги доставува до нив. Иако не ги разбираме, сепак не им замеруваме на  почитуваните  уредници на некои  приватни  медиуми  кои  имаат своја уредувачка политика и прават селективен пристап кон информациите до јавноста.  Но, срамно е јавниот сервис МРТВ, која е национален јавен сервис ниту еднаш да не пројави интерес, ниту пак да проследи информација за постоењето, програмата или  активностите на ПЕП 21, иако согласно законот за радидифузна дејност , јасно е наведено меѓу другото дека МРТВ е должна да создава и емитува програма од јавен интерес со која се одразува општествениот и културен плурализам во државата, а кој меѓу другото се состои и од информативни содржини. 
ПЕП 21 го подржува формирањето  на нови политички субјекти и им честита за нивното формирање , но веќе се наметнува сомнежот, дали некој од  нив ја имаат целосна медиумската поддршка, бидејќи тие нови партии ќе бидат опозиција по мерка на владеачката партија ?!